۔،۔ حکمران طبقہ سے شیطان بھی پناہ مانگ رہا ہے:الطاف شاہد۔،۔
مہنگائی کے آدم خوربھوت نے مفلس ونادار طبقات کوبھوک برداشت کرنے پرمجبورکردیا

پاک سر زمین پارٹی برطانیہ کے صدرچوہدری محمد الطاف شاہد نے کہا ہے کہ پاکستان کے حکمران طبقہ سے شیطان بھی پناہ مانگ رہا ہے۔نام نہادعہدجمہوریت میں جمہورکاخون نچوڑاجارہا ہے،عوام کوزندہ درگورکردیاگیا۔مہنگائی کے آدم خوربھوت نے مفلس ونادار طبقات کوبھوک برداشت کرنے پرمجبورکردیا۔ ایوانوں میں بیٹھی پارٹیوں نے ایک دوسرے کیخلاف طعنہ بازی کے سواکچھ نہیں کیا۔پی ٹی آئی نے آصف زرداری کو مسٹرٹین پرسنٹ کہا توشاہ سے زیادہ شاہ کے وفادارجیالے آپے سے باہرہوگئے۔عوام کے ساتھ ہمدردی کاڈھونگ کرتے ہوئے انہیں مہنگائی کے کوبرا کاڈنک ماراجارہا ہے۔وفاق اورصوبوں کے حکمران نان ایشوز پرپوائنٹ سکورنگ کررہے ہیں،ان میں سے کوئی کسی عوامی ایشوپربات کرنے کیلئے تیار نہیں ہے۔ ملک میں جمہوریت نہیں بلکہ سول آمرانہ نظام رائج ہے۔ وہ پارٹی آفس میں ایک اجلاس سے خطاب کررہے تھے۔سینئر نائب صدر مرزافیصل محمود،سابق جنرل سیکرٹری غلام نبی عامر،جوائنٹ سیکرٹری عمران خان نے بھی سیمینار سے خطاب کیا۔ چوہدری محمد الطاف شاہد نے مزید کہا کہ کراچی کوکرچی کرچی کرنیوالے عنقریب نیب کے شکنجے میں ہوں گے۔جولوگ اپنے سرکاری منصب کے پیچھے چھپ رہے ہیں وہ بے رحم احتساب کیلئے تیار رہیں۔انہوں نے کہا کہ آج جواپنے اختیارات کاناجائزفائڈہ اٹھارہے ہیں وہ یوم حساب کیلئے تیار رہیں۔میئرکراچی کی سرگرمیاں عوامی مفادات سے متصادم ہیں۔انہوں نے کہا کہ جولوگ آج چوری کاپیسہ جوڑرہے ہیں وہ عنقریب قوم کے آگے ہاتھ جوڑیں گے۔پی ایس پی کے مرکزی چیئرمین سیّدمصطفی کمال کی قیادت میں ہمارے سرفروش کارکنان قومی چوروں کابھرپورمحاسبہ کریں گے۔

ایڈیٹرچیف نذر حسین کی زیر نگرانی آپ کی خدمت میں پیش ہے