۔،۔اسرائیل کی جانب سے فلسطینی علاقوں جینن اور رام اللہ میں حملے 10 شہید۔ نذر حسین۔،۔
٭پیر کے روز ایک ہزار کے قریب اسرائیلی فوجیوں کی معاونت سے کئے جانے فضائی حملوں میں 10 فلسطینی شہید اور 100 سے زائد افراد زخمی بھی ہوئے،جہاں پناہ گزینوں کے کیمپ سے 3 ہزار افراد کو نکالا گیا٭
شان پاکستان جرمنی فرینکفرٹ/مقبوضہ بیت المقدس/اسرائیل۔ غیر ملکی خبر رساں ادارے کے مطابق اسرائیل کی جانب سے مغربی کانرے پر کئے جانے والے اس حملے کو گذشتہ کئی دہائیوں میں سب سے بڑا حملہ قرار دیا جا رہا ہے،پیر کے روز ایک ہزار کے قریب اسرائیلی فوجیوں کی معاونت سے کئے جانے فضائی حملوں میں 10 فلسطینی شہید اور 100 سے زائد افراد زخمی بھی ہوئے،جہاں پناہ گزینوں کے کیمپ سے 3 ہزار افراد کو نکالا گیا، شہر کے مختلف علاقوں میں فوجی گاڑیاں اور بلڈوزر موجود ہیں۔ اقوام متحدہ کے اداروں نے اسرائیل کے بڑھتے حملوں پر تشویش کا اظہار کرتے ہوئے کہا ہے کہ زخمیوں کو ابتدائی طبی امداد فراہم کرنے والوں کو بھی ان تک رسائی سے روکا جا رہا ہے۔
