۔،۔ ٹورنٹو میں ایک یہودی لڑکیوں کے ایلیمنٹری اسکول پر گولیاں چلائی گئیں۔ نذر حسین۔،۔
٭یہ واقعہ رات کو پیش آیا فائرنگ کے وقت اسکول میں کوئی نہیں تھا کسی کے زخمی ہونے کی کوئی اطلاع نہیں ملی جبکہ پولیس کے مطابق علاقہ میں گولیاں چلنے کی بھی کوئی اطلاع نہیں ملی٭
شان پاکستان جرمنی فرینکفرٹ/کینیڈا/ٹورنٹو۔ غیر ملکی خبر رساں ادارے کے مطابق ٹورنٹو میں ایک یہودی لڑکیوں کے ایلیمنٹری اسکول پر گولیاں چلائی گئیں،یہ واقعہ رات کو پیش آیا فائرنگ کے وقت اسکول میں کوئی نہیں تھا کسی کے زخمی ہونے کی کوئی اطلاع نہیں ملی جبکہ پولیس کے مطابق علاقہ میں گولیاں چلنے کی بھی کوئی اطلاع نہیں ملی، اطلاع کے مطابق ہفتہ کی صبح پولیس کو بیس چھایا مشکا گرلز ایلیمنٹری اسکول میں ایک ٹوٹی ہوئی کھڑکی کی اطلاع ملی، رپورٹ کے مطابق مزید تفتیش کے بعد پولیس نے تعین کیا ہے کہ عمارتکے دیگر حصوں کے ساتھ کھڑکی بھی گولیوں کی زد میں آ گئی تھی، جرائم یونٹ کے کراوزیک کا کہنا تھا کہ یہ واقعہ یہودیوں کے تہوار یوم کپور پر پیش آیا، جو کہ یہودی کیلینڈر کے مقدس ترین دنوں میں سے ایک ہے۔ پریمئیر ڈگ فورڈ نے اسے قابل نفرت فعل قرار دیا ہے اور کہا کہ ذمہ دار شخص یا لوگوں کو گرفتار کر کے جیل میں ڈالنے کی ضرورت ہے۔
