۔،۔ ایمسٹرڈیم میں شدید کشیدگی، ٹرام کو آگ لگا دی گئی۔ نذر حسین۔،۔
٭گذشتہ ہفتے ایک اسرائیلی فٹ بال کلب کے شائقین کو نشانہ بنانے والے تشدد کے بعد شہر میں کشیدگی کا ماحول، مسلح درجنوں افراد نے ایمسٹرڈیم میں ایک ٹرام کو آگ لگا دی٭
شان پاکستان جرمنی فرینکفرٹ/نیدرلینڈ/ایمسٹر ڈیم۔ غیر ملکی خبر رساں ادارے کے مطابق پولیس نے بتایا کہ پیر کے روز لاٹھیوں اور آتش بازی اٹھائے مسلح درجنوں افراد نے ایمسٹرڈیم میں ایک ٹرام کو آگ لگا دی،گذشتہ ہفتے ایک اسرائیلی فٹ بال کلب کے شائقین کو نشانہ بنانے والے تشدد کے بعد شہر میں کشیدگی کا ماحول ہے۔ پولیس ترجمان کے مطابق آگ پر جلد قابو پا لیا گیا تھا، آن لائن تصاویر میں لوگوں کو املاک کو نقصان پہنچاتے اور پٹاخوں کو آگ لگاتے ہوئے دکھایا گیا گیا ہے۔ پولیس ترجمان کے مطابق یہ واضح نہیں ہے کہ بد امنی کس نے شروع کی اور آیا اس کا تعلق گذشتہ ہفتے کے واقعات سے تھا، لیکن میکابی تل ابیب ایجکس میچ کے بعد انہوں نے کشیدگی کا ماحول محسوس کیا، جس کے بعد سے پانچ افراد زیر علاج تھے اور درجنوں کو حراست میں لے لیا گیا تھا۔ اسرائیلی ہزیر خارجہ گیڈیون سار جمعہ کو نیدر لینڈ پہنچے اور پولیس تفتیش میں اسرائیل کی مدد کی پیشکش کی، انہوں نے ہفتہ کے روز ڈچ وزیر اعظم سے بھی ملاقات کی ایک بیان میں کہا کہ حملوں اور پاسپورٹ دکھانے کے مطالبات سے ٭تاریخ کے تاریک ادوار کی یاد تازہ ہو گئی ہے٭
