۔،۔ ایک بار پھر جعلی پولیس آفیسر نے 75 سالہ خاتون کو لوٹ لیا۔ نذر حسین۔،۔
٭نامعلوم مجرم نے جمعّہ کی سہہ پہر کو پچہتر سالہ خاتون خاتون کو پولیس آفیسر بن کر ہمیشہ کی طرح جھوٹ پر مبنی ڈرامہ رچا کر(شاک کال) ہزاروں کا زیور اور نقدی لے اُڑا٭
شان پاکستان جرمنی فرینکفرٹ/گالوس۔پولیس رپورٹ کے مطابق نامعلوم مجرم نے جمعّہ کی سہہ پہر کو پچہتر سالہ خاتون خاتون کو پولیس آفیسر بن کر ہمیشہ کی طرح جھوٹ پر مبنی ڈرامہ رچا کر(شاک کال) کا استعمال کرتے ہوئے ہزاروں کا زیور اور نقدی لے اُڑا، مجرم نے پولیس افسر ہونے کا دعوہ کرتے ہوئے خاتون کو بتایا کہ اس علاقے میں چوری کی وارداتوں میں اضافہ ہونے کی وجہ سے آپ کا قیمتی سامان، زیور اور نقدی گھر میں رکھنے سے نقصان کا ڈر ہے اس لئے ایک پولیس آفیسر آپ کے گھر بھیجا جا رہا ہے اپنی تمام قیمتی اشیاء، زیور اور نقد رقم پولیس آفیسر کے حوالہ کر دیں ضرورت پڑنے پر آپ اپنے قریبی پولیس اسٹیشن سے دوبارہ حاصل کر سکتی ہیں۔ اتنا سننے کے بعد پچہسر سالہ خاتون نے نقدی اور زیورات اور کارڈ نامعلوم شخص کے حوالہ کر دیئے اس کے ساتھ ہی جعلی پولیس افسر فوراََ وہاں سے چلا گیا۔
