۔،۔ سعودی عرب اپنا پہلاسکس فلیگ تھیم پارک کا افتتاح 31 دسمبر 2025 کو کرنے جا رہا ہے۔ نذر حسین۔،۔
٭سعودی عرب اکتیس دسمبر کو چھ جھنڈوں والا شہر قدیہ میں پر کشش مقام پر تفریحی مقام ٭سکس فلیگس٭ کا افتتاح کرنے جا رہا ہے۔یہ مملکت سعودی عربیہ کی تفریحی دنیا میں ایک نیا باب ہو گا٭
شان پاکستان جرمنی فرینکفرٹ/سعودی عرب/ریاض/القدیہ۔ غیر ملکی خبر رساں ایجنسی کے مطابق سعودی عرب اکتیس دسمبر کو چھ جھنڈوں والا شہر قدیہ میں پر کشش مقام پر تفریحی مقام ٭سکس فلیگس٭ کا افتتاح کرنے جا رہا ہے۔یہ مملکت سعودی عربیہ کی تفریحی دنیا میں ایک نیا باب ہو گا،پارک اکتیس دسمبر کی شام چار بجے سے نصف شب تک زائرین کے لئے اپنے دروازے کھولے گا، اوپننگ بدھ کے دن سے شروع ہو گی جبکہ جمعرات اور جمعہ کو کام کے اوقات رات ایک بجے تک بڑھا دیئے جائیں گے۔رپورٹ کے مطابق ٭سکس فلیگس القدیہ سٹی٭شہر میں تفریحی مقامات میں پہلا مقام ہو گا جو مملکت کے اندر اور باہر سے خاندانوں، افراد اور مہم جوئی کے شائقین کے لئے تفریح اور سنسنی کی نئی شروعات اور ناقابل فراموش تجربات پیش کرے گا۔ پارک میں اٹھائیس گیمز اور نئے تجربات شامی ہیں جن میں بعض ریکارڈ توڑ عالمی تجربات کے حامل ہوں گے۔ جن میں دنیا کی سب سے اونچی جھکی ہوئی روولر کوسٹر۔ریٹلر۔ ٭دنیا کی سب سے تیز، لمبی اور اونچی رولر کوسٹر ٭سپٹ فائر۔ دنیا کی سب سے اونچی تھری۔لانچ سپنڈ رولر کوسٹر۔موجود ہیں۔ ٭سکس فلیگس القدیہ سٹی٭ پارک کے صدر (برائن میک کیمر) کا کہنا ہے کہ اکتیس دسمبر سعودی عرب کی تفریحی دنیا میں ایک نئے باب کا آغاز کرنے جا رہا ہے۔ اس میں تخیل، ناقابل فراموش تجربات اور عالمی تفریح کے لئے ایک نیا معیار متعارف کرائے گئے ہیں۔ ٭سکس فلیگس القدیہ سٹی٭پارک شمالی امریکا کے براعظم سے باہر اپنی نوعیت کا پہلا تفریحی پارک ہے جو ریاض سے صرف چالیس منٹ کی دوری پر طویل ضہاڑوں کے دل میں واقع ہے۔ زائرین کار، ٹیکسی یا شٹل بسوں کے ذریعے سے ٭سکس فلیگس القدیہ سٹی٭ پہنچ سکتے ہیں، پارک میں براہ راست لے جانے کے لئے مفت بسیں دستیاب ہوں گیں۔
