۔،۔ مدینہ منورہ کے قریب بس حادثہ میں 42 بھارتی زائرین جاں بحق۔ نذر حسین۔،۔
٭مبینہ طور پر نامعلوم وجوعات کی بنا پر بس کا ڈرائیور بس پر کنٹرو ل کھو بیٹھا تھا جس کے نتیجہ میں بس اچانک ڈیزل سے بھرے ٹینکر سے جا ٹکرائی،حادثہ کے وقت بہت سے مسافر سو رہے تھے٭
شان پاکستان جرمنی فرینکفرٹ/سعودی عرب/مدینہ۔ غیر ملکی خبر رساں ادارے کے مطابق زائرین مکہ مکرمہ میں عمرہ کی ادائیگی کے بعد بذریعہ بس مدینہ منورہ کے لئے رواں دواں تھے،مبینہ طور پر نامعلوم وجوعات کی بنا پر بس کا ڈرائیور بس پر کنٹرو ل کھو بیٹھا تھا جس کے نتیجہ میں بس اچانک ڈیزل سے بھرے ٹینکر سے جا ٹکرائی،حادثہ کے وقت بہت سے مسافر سو رہے تھے، موقع پر پہنچنے والی ریسیکیو ٹیموں کا کہنا تھا کہ بس مکمل طور پر آگ کے شعلوں کی لپیٹ میں آ گئی تھی جس سے متاثرین کی شناخت بھی مشکل تھی جبکہ مقامی اسپتال میں تین افراد کی حالت تشویشناک بتائی جاتی ہے۔ ہندوستانی مشن نے پیر کو ایک بیان میں بتایا کہ،ذشتہ رات المناک بس حادثہ کے بعد بھارتی قونصل خانہ جدہ میں کنٹرول روم قائم کر دیا گیا ہے،ہندوستانی سفارتخانہ اور قونصل خانہ کے حکام نے سعودی وزارت حج و عمرہ اور دیگر مقامی حکام سے رابطہ کے ساتھ ساتھ مدد کے لئے جائے وقوعہ پر پہنچ گئے۔ ہندوستان کے وزیر اعظم نریندر مودی نے بھی واقعہ پر تعزیت کا اظہار کیا ہے۔ واضح رہے مکہ سے مدینہ کا روٹ ایک آٹھ لین ایکسپریس وے ہے جس پر چھوٹی گاڑیوں کے لئے (ایک سو چالیس کلو میٹر فی گھنٹہ اور بسوں کے لئے ایک سو بیس کلو میٹر فی گھنٹہ مقرر کی گئی ہے)
