۔،۔ نوشہرہ میں گھر کی چھت گرنے سے چار بچوں سمیت پانچ افراد جاں بحق،تین زخمی۔،۔
٭نوشہرہ کی تحصیل پبی کے علاقہ ڈاگ جدید میں گھر کی چھت گرنے سے (آٹھ افراد) ملبے تلے دب گئے، ریسیکیو حکام کے مطابق افسوسناک حادثہ کے نتیجہ میں پانچ افراد جاں بحق ہو گئے٭
شان پاکستان جرمنی فرینکفرٹ/خیبر پختونخواہ/نوشہرہ /پبی۔ غیر ملکی خبر رساں ادارے کے مطابق یہ واقعہ اس وقت پیش آیا جب نامعلوم وجوعات کی بنا پر گھر کی چھت اچانک گر گئی۔نوشہرہ کی تحصیل پبی کے علاقہ ڈاگ جدید میں گھر کی چھت گرنے سے (آٹھ افراد) ملبے تلے دب گئے، ریسیکیو حکام کے مطابق افسوسناک حادثہ کے نتیجہ میں پانچ افراد جاں بحق ہو گئے جن میں چار بچے بھی شامل تھے جبکہ اطلاع کے مطابق تین افراد زخمی بھی ہوئے۔ ریسیکیو کے مطابق جاں بحق افراد میں تیس سالہ رضوان، نُو سالہ ولیدہ، چھ سالہ ایان، پانچ سالہ حفصہ اور چار سالہ دُعا شامل ہیں، رپورٹ کے مطابق ریسیکیو اہلکاروں نے مسلسل کوششوں کے بعد ملبے تلے دبے تمام افراد کو نکال لیا اور زخمیوں کو ابتدائی طبی امداد فراہم کرنے کے بعد پبی استال منتقل کر دیا گیا۔ ریسیکیو حکام نے میڈیا سے بات کرتے ہوئے بتایا کہ مکان انتہائی بوسیدہ تھا جس کی وجہ سے یہ افسوسناک حادثہ پیش آیا۔
