
۔،۔ پولیس نے چاقو سے حملہ کرنے والے شخص کو(ہیٹنگر پولیس تھانہ) میں گولی مار دی۔ نذر حسین۔،۔
٭ایک نامعلوم شخص چاقو ہاتھ میں لئے تھانہ پہنچا اور کاونٹر پر چڑھ کر پولیس کی طرف لپکا وارننگ کے باوجود نہ رکنے پر پولیس نے گولی چلا دی۔اٹھائیس سالہ شخص زخمی٭
شان پاکستان جرمنی فرینکفرٹ/ہیٹنگر نارتھ رائن ویسٹ فیلیا۔ مقامی پولیس رپورٹ کے مطابق(ہیٹنگر نارتھ رائن ویسٹ فیلیا) کے پولیس اسٹیشن تھانہ میں فلمی،ڈرامائی واقعہ پیش آیا، پولیس ترجمان کے مطابق ہفتہ کی صبح تقریباََ ٭05:10 بجے٭ تھانہ کے دروازہ کی گھنٹی بجی پولیس کے دروازہ کھولنے پر نامعلوم شخص تھانہ کے اندر داخل ہوا، اچانک چاقو نکالا اور وہاں موجود دونوں اہلکاروں کو دھمکی دیتے ہوئے، حملہ کی غرض سے کاونٹر پر چڑھ گیا، انہوں نے چاقو نیچے رکھنے کا حکم دیا،حکم کی تعمیل نہ کرنے پر کالی مرچ کی اسپرے کا استعمال کیا، اس کے باوجود باز نے آنے پر پولیس آفیسر نے اپنا سروس ہتھیار پستول نکالا اور گولی مار دی جبکہ پولیس افسر نے گولی مجرم کی ٹانگ پر ماری،جس کی بنا پر وہ شدید زخمی ہوا جبکہ اس کی چوٹ جان لیوا نہیں تھی، اسے گرفتاری کے فوراََ بعد اسپتال لے جایا گیا، واضح رہہے پولیس افسران کو کوئی نقصان نہیں پہنچا۔ تفتیش جاری ہے۔



