۔،۔جرمن ایکسچینج(تبادلہ)کے طلباء کی بس کوشمالی سویڈن میں سنگین حادثہ پیش آیا۔ نذر حسین۔،۔
٭(وِل ہیلمینا وِسٹر بوٹن صوبہ) کے قریب،جب طلباء فن لینڈ کے لیپ لینڈ جا رہے تھے کے ایک برف سے ڈھکے ہوئے حصّہ(پھسلن والی ہائی وے) پر موڑ میں بس قابو سے باہر ہو کر الٹ گئی،بس میں کل ستاون مسافر سوار تھے٭
شان پاکستان جرمنی فرینکفرٹ/سویڈن/(وِل ہیلمینا وِسٹر بوٹن صوبہ)۔ غیر ملکی خبر رساں ادارے کے مطابق (تبادلہ۔ایسچینج)طلباء کا ایک گروپ سویڈن میں بس حادثہ کا شکار ہو گئے، طلباء ناروے سے فن لینڈ جا رہے تھے ان کی بس نامعلوم وجوعات کی بنا پر سویڈن کے شہر ویلہیلمینا کے قریب برف سے ڈھکی (E45 ہائی وے) سے الٹ گئی، ناویجن یونیورسٹی آف سائنس اینڈ ٹیکنالوجی کے مطابق بس میں کل ستاون افرادسوار تھے، جن میں مختلف یورپی ممالک کے (تریپن) ایسچینج طلباء شامل تھے جبکہ سب سے بڑا گروپ جرمنی سے تھا، رپورٹ کے مطابق بس کے زیادہ تر مسافروں کو معمولی چوٹیں آئیں جبکہ کچھ زیادہ شدید زخم ہوئے کوئی بھی جان لیوا حالت میں نہیں، ابتدائی طور پر چھپن افراد کو طبی امداد دی گئی علاقہ کے اسپتالوں کو فوراََ ہائی الرٹ کر دیا گیا جبکہ دو مریضوں کو ہیلی کاپٹر کے ذریعہ قریبی کلینک میں لے جانا پڑا۔ واضح رہے زیادہ تر زخمیوں کو اتوار کے دن اسپتالوں سے فارغ کر دیا گیا جبکہ بیت سے طلباء اتوار کی شام کو ٹرانڈ ہیم واپس آنے کے قابل تھے،، ناویجن یونیورسٹی آف سائنس اینڈ ٹیکنالوجی نے انہیں نفسیااتی مدد کف پیشکش بھی کی، یونیورسٹی کے تعلیمی معیار کے سربراہ آڈون گروم نے میڈیا سے بات کرتے ہوئے کہا کہ ہمیں بنیادی طور پر اس بات پر اطمینان ہے کہ حادثہ میں کوئی بھی ہلاک نہیں ہوا۔ پولیس رپورٹ کے مطابق حادثہ کی وجہ تاحال ابھی تک واضح نہیں ہو سکی، تاہم سویڈش ریڈیو کے ایک رپورٹر نے بتایا کہ علاقے میں شدید برف باری کے باعث سڑکیں پھسلن ہو رہی تھیں، اس موسم میں گاڑی چلانا مشکل رہا ہو گا۔ سویڈن کو صرف ڈیڑھ ہفتہ قبل ایک سنگین بس حادثہ کا سامنا کرنا پڑا تھا، ایک بس ایک بس سٹاپ سے ٹکرا گئی تھی، حادثہ میں تین خواتین جن کی عمریں بتدریج پچپن سے پینسٹھ سال کے درمیان تھیں ہلاک اور کئی دیگر افراد زخمی ہوئے جن میں سے کچھ کی حالت اب بھی تشویشناک حالت میں ہے۔
