۔،۔ دو نامعلوم خواتین نے 86 سالہ خاتون کو قلم اور کاغذ کے چکر میں لوٹ لیا۔ نذر حسین۔،۔
٭فرینکفرٹ بورن ہائیم کے علاقہ میں دو فنکار خواتین نے چھیاسی سالہ خاتون سے کاغذ اور قلم مانگ کر اسے کے پرس سے نقدی نکال کر لے گئیں ٭
شان پاکستان جرمنی فرینکفرٹ/بورن ہائیم۔ پولیس رپورٹ کے مطابق جمعہ کے روز ایک بار پھر ایک عمر رسیدہ خاتون کو دو فن کار خواتین نے لوٹ لیا، یہ واقعہ فرینکفرٹ کے علاقہ بورن ہائیم میں اس وقت پیش آیا جب خاتون خریداری کے بعد گھر کے قریب پہنچی تو خاتون کے ساتھ دو خواتین بھی عمارت میں داخل ہو گئیں، خاتون کے پاس پہنچتے ہی نامعلوم خاتون نے بات کرتے ہوئے عمر رسیدہ خاتون کہ بتایا کہ وہ جند روز قبل ہی اسی عمارت میں منتقل ہوئی ہیں، میں اپنے شوہر کے لئے میسج لکھنا چاہتی ہوں کیا ایک قلم اور کاغذ مل سکتا ہے، بزرگ خاتون نے فوراََ اسے قلم اور کاغذ پیش کرنے کی خواہش بھی ظاہر کر دی، دونوں فنکار خواتین اس کے ساتھ اپارٹمنٹ میں داخل ہو گئیں، ایک نے پیغام لکھنا شروع کیا اور عمر رسیدہ خاتون کو بات چیت میں مشغول کر لیا اسی دوران موقع پاتے ہی دوسری خاتون بیڈ روم میں گھس گئی اور اس دوران پرس سے نقدی چرا لی،تقریباََ دس منٹ کے بعد دونوں نامعلوم خواتین اپارٹمنٹ سے نکل گئیں جبکہ کچھ ہی دیر بعد بزرگ خاتون کو محسوس ہوا کہ خواتین نے اس کے پرس سے نقدی غائب تھی۔
