۔،۔پانچ ہلاک،ایک شخص پر شبہ ہے کہ اس نے پورے خاندان کو قتل کیا ہے۔ نذر حسین۔،۔
٭(63 سالہ) شخص پر شبہ ہے کہ اس نے نہ صرف اپنے دو بیٹوں بلکہ اپنی بیوی، اپنی بہن اور پھر خود کو بھی قتل کیا ے لاشیں، بادن ورٹمبرگ، ریو ٹلنگن، فلنگن اور سینٹ جوہان میں پائی گئیں ٭
شان پاکستان جرمنی فرینکفرٹ/اسٹٹگارٹ/بادن ورٹمبرگ/ریو ٹلنگن/، فلنگن/سینٹ جوہان۔ مقامی پولیس کے مطابق یہ واقعہ بادن ورٹمبرگ میں پیش آیا، تفتیش کاروں نے پانچ لاشوں کو بے نقاب کرتے ہوئے بتایا کہ منگل کی صبح ایک نگہداشت کرنے والے کو (ساٹھ سالہ) خاتون کی بے جان لاش ریو ٹلنگن میں اس کے اپارٹمنٹ سے ملی جو (ترسٹھ سالہ) مشتبہ جرمن کی بہن تھی، خاتون کو مہلک چوٹیں آئی ہوئی تھیں تفتیش کاروں کا شبہ تیزی سے عورت کے بھائی پر گیا، منگل کی شام اس کے گھر کی تلاشی کے دوران خصوصی فورسز کو (ترسٹھ سالہ شخص اور اس کی ستیاون سالہ بیوی) کا لاشیں ملیں دونوں کے جسم پر گولی لگنے کے نشانات موجود تھے جبکہ تفتیش کاروں کو لاشوں کے پاس سے آلہ قتا بھی ملے، کیا یہ اسلحہ لائسنس یافتہ تھا یا نہیں اس کی تحقیقات جاری ہیں، اس کے بعد تفتیش کاروں نے سینٹ جوہان اس شخص کے کاروباری احاطے۔فیکٹری جائے وقوعہ کی تلاشی لی وہاں انہیں اس کے (ستائیس سالہ اور انتیس سالہ) بیٹوں کی لاشیں ملیں، پولیس کا کہنا تھا کہ مرنے والی ان کی سوتیلی ماں تھی۔جن مقامات پر لاشیں ملیں وہ سب ریئٹلنگن کے علاقے میں ہیں، فلنگن جہاں مشتبہ مجرم اور اس کی بیوی رہتی تھی۔ روئیٹلنگن سے براہ راست آپس میں ملتی ہیں، کمٹنی کا ہیڈ کوارٹر جہاں سے دونوں بیٹوں کی لاشیں ملیں (سوابین الپس میں سینٹ جوہان)میں واقعع ہے جو روئیٹلنگن سے تھوڑی دوری پر ہے۔ روئیٹلنگن شکاری ایسوسی ایشن نے ان واقعات کو ناقابل یقین حد تک افسوسناک قرار دیا ہے جبکہ مشتبہ شخص بھی ان کا ممبر تھا۔ جرم کے بارے میں بہت سے سوالات اُٹھتے ہیں کہ اس شخص نے بظاہر ہتھیار کا سہارا لے کر اپنے اہل خانہ کو کیوں قتل کیا، پولیس اس بات کی تفتیش کر رہی ہے کہ کب اور کیسے قتل کئے گئے۔ پولیس ترجمان نے تحقیقات کی تفصیلات پر تبصرہ کرنے سے انکار کرتے ہوئے صرف اتنا کہا کہ تفتیش جاری ہے۔
