۔،۔ پوپ لیو پہلے غیر ملکی دورے پر ترکی پہنچ گئے،پیر کو لبنان کا سفر کریں گے۔ نذر حسین۔،۔
٭پوپ لیو کا پہلا غیر ملکی دورہ ایک لحاظ سے ان کے پیشرو فرانسس کی میراث ہے جو اپریل میں انتقال کر گئے تھے،فرانسس نے اپنی زندگی میں ان ممالک کا دورہ کرنے کی خواہش ظاہر کی تھی جس کو مئی میں عہدہ سنبھالنے والے پوپ لیو خواہش کو پایہ تکمیل تک پہنچا رہے ہیں ٭
شان پاکستان جرمنی فرینکفرٹ/واٹیکان/ترکی/لبنان۔ غیر ملکی خبر رساں ادارے کے مطابق پوپ لیو کا پہلا غیر ملکی دورہ ایک لحاظ سے ان کے پیشرو فرانسس کی میراث ہے جو اپریل میں انتقال کر گئے تھے،فرانسس نے اپنی زندگی میں ان ممالک کا دورہ کرنے کی خواہش ظاہر کی تھی جس کو مئی میں عہدہ سنبھالنے والے پوپ لیو خواہش کو پایہ تکمیل تک پہنچا رہے ہیں، پوپ لیو XIV اپنا پہلا غیر ملکی دورہ شروع کرنے کے لئے ترکی پہنچ گئخ ہیں، پوپ کا خصوصی طیارہ آج صبح انقرہ میں اترا، لیو اتوار تک ترکی میں رہیں گے، پھر لبنان کا سفر کریں گے، ان دو مسلم اکثریتی ممالک میں کیتھلک چرچ کے سربراہ خطے کے عیسائیوں کے ساتھ اپنی قربت کا اظہار کرنے اور مشرق وسطی میں امن کے معاملہ پر توجہ مرکوز کرنے کا ارادہ رکھتے ہیں۔ انقرہ میں پوپ کے سفر کا آغاز جمہوریہ ترکی کے بانی مصطفی کمال اتاترک کے مزار پر حاضری سے ہوا، اس کے بعد ترک صدر رجب طب ایردوان سے ملاقات، خطاب کے بعد استنبول کے سفر کا آغاز کیا۔ تقریباََ ایک لاکھ اسی ہزار مسیحی برادری تقریباََ پچیاسی ملین کی آبادی میں ایک چھوٹی اقلیت ہے، مذہب کی آزادی ترک آئین میں درج ہے لیکن عملی طور پر محدود آزادی ہے۔ استنبول میں ایک بہت بڑے اجتماع کا منصوبہ بھی زیر غور ہے۔ استنبول میں پوپ لیو (سلطان احمد مسجد۔نیلی مسجد) کا دورہ کریں گے وہ قسطنطنیہ کے یونانی آرتھڈکس پیٹر یارک بارتھو لومیو کے ساتھ ایک مشترکہ اعلانیہ پر دستخط بھی کریں گے۔
