۔،۔جرمنی کے شہر ڈوسلڈورف کے ایک اپارٹمنٹ میں ایک عورت اور اس کے بچہ کو مردہ پایا گیا۔ نذر حسین۔،۔
٭پولیس نے شک کی بنا پر سلوواکین شخص کو شدید زخمی حالت میں گرفتار کر کے اسپتال منتقل کر دیا گیا، مرنے والے اس کی بیوی اور بچہ تھے٭
شان پاکستان جرمنی فرینکفرٹ/ڈوسلڈورف/سلوواکیہ۔ پولیس رپورٹ کے مطابق جرمنی کے شہر ڈوسلڈورف کے ایک اپارٹمنٹ میں ایک عورت اور اس کے بچہ کو مردہ پایا گیا، پولیس اور استغاثہ کے مطابق بچے کے (تینتالیس سالہ) والد پر شبہ ہے کہ اس نے اپنی بیوی اور بچے کو قتل کیا ہے،شک کی بنا پر سلوواکین شخص کو شدید زخمی حالت میں گرفتار کر کے اسپتال منتقل کر دیا گیا ہے۔اطلاعات کے مطابق ماں اور بچے کو قولیس نے ہفتہ کی صبح (اوبر بلک) ضلع کے ایک اپارٹمنٹ میں پایا، رپورٹ کے مطابق ہومیسائیڈ اسکواڈ نے تفتیش سنبھال لی ہے، گھریلو تشدد سے متعلق کسی سابقہ واقعات کا کوئی اشارہ نہیں ملتا، گھر کو جاروں طرف سے تفتیش مکمل ہونے تک گھیر لیا گیا ہے۔ پولیس ترجمان نے میڈیا سے بات کرتے ہوئے بتایا کہ تفتیش کار شواہد کو محفوظ کرنے کے لئے دوپہر کے بعد تک جائے وقوعہ پر موجود رہے، اس کے علاوہ کوئی تفصیل نہیں بتائی گئی۔
