۔،۔ خیبر پختونخواہ کے ضلع صوابی میں نامعلوم شخص نے گھر میں داخل ہو کر باپ بیٹے کو قتل کر دیا۔ نذر حسین۔،۔
٭ خیبر پختونخواہ کے ضلع صوابی میں نامعلوم شخص نے گھر میں داخل ہو کر باپ بیٹے کو قتل کر دیاجبکہ خاتون اور تین بچوں کو زخمی کر دیا٭
شان پاکستان جرمنی فرینکفرٹ/پشاور/صوابی۔ غیر ملکی خبر رساں ایجنسی کے مطابق یہ واقعہ خیبر پختونخواہ کے ضلع صوابی میں پیش آیا، رپورٹ کے مطابق صوابی کے گاوں کھنڈہ میں پستول سے مسلح نامعلوم شخص نے رات کے وقت گھر میں داخل ہو کر کمراٹ دیر کے رہائش پذیر خاندان پر اندھا دھند فائرنگ کر کے باپ اور شادی شدہ بیٹے سمیت جاں بحق مقتول بیٹے کی بیوی تین بچوں سمیت شدید زخمی ہو گئی، بیوہ عبد الرحمن سکنہ تحصیل دیر حال کھنڈہ نے تھانہ لاہور میں ایف آئی آر درج کراتے ہوئے بتایا کہ وہ گذشتہ رات اپنے 34 سالہ شوہر عبد الرحمن، ان کے 61 سالہ جمعہ فقیر اور اپنے بچوں گیارہ ماہ کے شیر خوار سدیس، نو سالہ بیٹے ذیشان اور چار سالہ بچی سمیرا کے ہمراہ گھر واقع اراہٹ زر خان کھنڈہ منانے ونڈ میں موجود تھی۔ خاتون نے بتایا کہ ہماری کسی کے ساتھ دشمنی یا کوئی تنازع نہیں ہے، پولیس نے اس اندھے قتل کی ایف آئی آر درج کر کے مختلف پہلووں پر تفتیش شروع کر دی ہے۔
