۔،۔14 سالہ لڑکی صبح (آٹھ) بجے بکریاں چرانے گھر سے نکلی تھی،سہ پہر بکریاں گھر لوٹ آئیں لڑکی نہ آئی۔ نذر حسین۔،۔
٭14 سالہ لڑکی صبح (آٹھ) بجے بکریاں چرانے گھر سے نکلی تھی،سہ پہر بکریاں گھر لوٹ آئیں لڑکی نہ آئی،لڑکی کو اجتماعی زیادتی کے بعد قتل کر کے لاش جلا دی گئی٭
شان پاکستان جرمنی فرینکفرٹ/ نئی دہلی /راجستھان/بھیل واڑہ۔غیر ملکی خبر رساں ادارے کے مطابق 14 سالہ لڑکی کو اجتماعی زیادتی کے بعد قتل کر کے لاش کو بھٹی میں جلا دیا گیا، رپورٹ کے مطابق 14 سالہ لڑکی صبح (آٹھ) بجے بکریاں چرانے گھر سے نکلی تھی،سہ پہر بکریاں گھر لوٹ آئیں لڑکی نہ آئی جس پر اس کی تلاش شروع کی گئی،گھر والے گاوں کے لوگوں کے ساتھ لڑکی تلاش کرتے رہے رات کو (آٹھ) بجے انہوں نے گاوں سے کچھ فاصلے پر کلبیلیا بستی میں موجود کوئلے کی بھٹی کو جلتے ہوئے دیکھا یہ ایک غیر معمولی واقعہ تھا کیونکہ برسات کے دنوں میں یہ بھٹیاں بند رہتی ہیں، گاوں والے شک کی بنا پر بھٹی پر پہنچ گئے جہاں انہیں لڑکی کے جوتے پڑے مل گئے جب بھٹی کے اندر جھانک کر دیکھا تو انسانی ہڈیاں نظر آئیں جس پر فوراََ پولیس کو مطلع کیا گیا پولیس نے لڑکی کی باقی باقیات نکالیں اور ڈی این اے نمونہ کے لئے بجھوا دیں تا کہ جنسی زیادتی کی تصدیق ہو سکے اور لڑکی کی شناخت بھی ہو سکے۔
