۔،۔ عمران خان اور بشری بی بی کے خلاف دوران عِدت نکاح کیس کا فیصلہ محفوظ۔ نذر حسین۔،۔
٭عمران خان اور بشری بی بی کے خلاف دوران عِدت نکاح کیس کا فیصلہ سینئر جج قدر تُ اللہ کل ایک بجے سنئیں گے،نکاح کیس میں وکلاء صفائی کی جانب سے گواہوں پر جرح مکمل۔جن میں چار گواہوں سے جرح کی گئی تھی جن میں عون چوہدری، خاور مانیکا کے گھر کا ملازم لطیف، خاور مانیکا اور مفتی سعید شامل ہیں ٭
شان پاکستان جرمنی فرینکفرٹ/پاکستان اسلام آباد۔ مقامی میڈیا کے مطابق(عمران اور بشری کے خلاف ٭غیر اسلامی٭شادی کیس میں ٹرائل کو چیلنج کرنے والی درخواست نمٹا دی) عمران خان اور بشری بی بی کے خلاف دوران عِدت نکاح کیس کا فیصلہ سینئر جج قدر تُ اللہ کل ایک بجے سنائیں گے،نکاح کیس میں وکلاء صفائی کی جانب سے گواہوں پر جرح مکمل۔جن میں چار گواہوں سے جرح کی گئی تھی جن میں عون چوہدری، خاور مانیکا کے گھر کا ملازم لطیف، خاور مانیکا اور مفتی سعید شامل ہیں، کیس کی سماعت جمعرات کو اڈیالہ جیل میں جج قدرتُ اللہ نے کی، (آئی ایچ سی) میں آج کی سماعت کے دوران۔پی ٹی آئی کے وکیل سلمان اکرم راجہ نے دلیل دی کہ یہ مقدمہ درخواست گزاروں کی تذلیل کے لئے بنایا گیا تھا اور شکایت کے وقت پر زور دیا گیا۔ انہوں نے نشاندہی کی کہ خان کی بشری بی بی سے شادی کے خلاف شکایت نومبر ( 2017) میں نکاح کی تقریب کے تقریباََ (چھ ماہ) بعد درج کی گئی تھی جبکہ بشری بی بی کے سابق شوہر خاور مانیکا کے وکیل رضوان عباسی نے عدالت کو آگاہ کیا کہ ٹرائل کورٹ میں گواہوں نے گواہی دی کہ بشری بی بی کی شادی کی تقریب کے وقت خان سے پہلے ہی شادی ہو چکی تھی، مزید برآں انہوں نے انکشاف کیا کہ مانیکا نے اپریل ( 2017) میں بشری بی بی کو زیانی طور پر طلاق دے دی تھی۔ واضح رہے کیس نے (پانچ دسمبر) کو اس وقت ڈرامائی موڑ لیا جب اچانک خاور مانیکا کے گھریلو ملازم محمد لطیف نے دعوی کیا کہ عمران خان بشری بی بی کے گھر گئے تھے اور ان کے ساتھ ٭ناجائز تعلقات٭ قائم رکھے تھے۔جبکہ خان نے ان الزامات کی سختی سے تردید کی، قرآن پاک پر حلف لیا کہ انہوں نے صرف ان کے نکاح کے دن بشری بی بی کا چہرہ دیکھا تھا۔
