-,-خدمتِ پاکستان کا اعتراف، چوہدری اعجاز حسین پیارا کے نام اعزازی یادگاری شیلڈ-نذر حسین-,-
*چیئرمین بورڈ آف گورنرز اوورسیز پاکستانی فاؤنڈیشن سید قمر رضا کی جانب سے اعزازی یادگاری شیلڈ*
شان پاکستان | جرمنی، فرینکفرٹ / گجرات / اسلام آباد-وطن سے محبت صرف الفاظ کی محتاج نہیں ہوتی بلکہ اس کا اصل اظہار خدمت، خلوص اور عملی جدوجہد سے ہوتا ہے۔ دیارِ غیر میں رہتے ہوئے اپنے ہم وطنوں کے حقوق، مسائل اور فلاح و بہبود کے لیے آواز بلند کرنا بلاشبہ ایک قابلِ تحسین قومی خدمت ہے۔ اسی جذبۂ خدمت کا اعتراف کرتے ہوئے جرمنی میں مقیم معروف سماجی و کمیونٹی رہنما چوہدری اعجاز حسین پیارا کو چیئرمین بورڈ آف گورنرز اوورسیز پاکستانی فاؤنڈیشن سید قمر رضا کی جانب سے یادگاری شیلڈ پیش کی گئی۔جذبہ پاکستان کی رپورٹ کے مطابق چوہدری اعجاز حسین پیارا ان دنوں اپنی چھٹیاں گزارنے پاکستان تشریف لے گئے ہوئے ہیں، لیکن ان کی مصروفیات کو دیکھ کر شاید ہی کوئی یہ محسوس کر سکے کہ وہ چھٹیوں پر ہیں۔ پاکستان آمد کے بعد بھی وہ مختلف سماجی، فلاحی اور کمیونٹی سرگرمیوں میں مصروف نظر آتے ہیں۔ ان کا جذبہ خدمت اس بات کا عکاس ہے کہ انسان اپنے وطن اور اپنے لوگوں سے محبت کرے تو فاصلے اس کے راستے میں رکاوٹ نہیں بن سکتے۔چوہدری اعجاز حسین پیارا جرمنی سمیت یورپ بھر میں مقیم پاکستانی کمیونٹی کی فلاح و بہبود، اتحاد و اتفاق اور اجتماعی مسائل کے حل کے لیے مسلسل سرگرم عمل ہیں۔ پاکستانی اوورسیز الائنس فورم یورپ کے صدر کی حیثیت سے وہ سمندر پار پاکستانیوں کو ایک پلیٹ فارم پر متحد کرنے، ان کے حقوق کے تحفظ اور ان کے مسائل متعلقہ حکام تک پہنچانے میں اپنا کردار ادا کر رہے ہیں۔ان کی جدوجہد کا بنیادی مقصد یہ ہے کہ بیرونِ ملک مقیم پاکستانی منظم اور متحد رہیں، انہیں اپنے جائز حقوق حاصل ہوں اور ان کی آواز متعلقہ حکومتی اداروں تک مؤثر انداز میں پہنچے۔ وہ اس بات پر یقین رکھتے ہیں کہ اوورسیز پاکستانی پاکستان کا قیمتی سرمایہ ہیں اور ان کی خدمات، قربانیوں اور مسائل کو نظرانداز نہیں کیا جانا چاہیے۔اسی مسلسل جدوجہد، خلوص اور کمیونٹی کے لیے خدمات کے اعتراف میں چیئرمین بورڈ آف گورنرز اوورسیز پاکستانی فاؤنڈیشن سید قمر رضا کی جانب سے چوہدری اعجاز حسین پیارا کو یادگاری شیلڈ پیش کی گئی۔ یہ اعزاز نہ صرف ان کی ذاتی خدمات کا اعتراف ہے بلکہ بیرونِ ملک پاکستان اور پاکستانیوں کے لیے کام کرنے والے تمام مخلص افراد کی حوصلہ افزائی کا ایک خوبصورت پیغام بھی ہے۔اس موقع پر چوہدری اعجاز حسین پیارا نے اعزازی شیلڈ ملنے پر اظہارِ تشکر کرتے ہوئے کہا کہ وہ اپنی محنت، لگن اور خدمات کے اعتراف پر تہہ دل سے شکر گزار ہیں۔ انہوں نے اس عزم کا اظہار کیا کہ جب تک زندگی ہے، وہ اسی جذبے اور خلوص کے ساتھ اوورسیز پاکستانی کمیونٹی کی فلاح و بہبود، ان کے حقوق کے تحفظ اور ان کے مسائل متعلقہ حکام تک پہنچانے کے لیے اپنا کردار ادا کرتے رہیں گے۔بلاشبہ خدمت کا اصل حسن صلے یا ستائش میں نہیں بلکہ اس جذبے میں پوشیدہ ہے جو انسان کو اپنے لوگوں کے لیے مسلسل متحرک رکھتا ہے۔ چوہدری اعجاز حسین پیارا کے لیے پیش کی جانے والی یہ یادگاری شیلڈ اسی جذبۂ خدمت اور قومی وابستگی کی ایک خوبصورت علامت ہے۔شان پاکستان کی جانب سے چوہدری اعجاز حسین پیارا کو دلی مبارک باد اور ان کی سماجی و فلاحی خدمات کے لیے نیک تمنائیں۔ اللہ تعالیٰ انہیں مزید ہمت، صحت اور استقامت عطا فرمائے تاکہ وہ اسی جذبے کے ساتھ پاکستان اور پاکستانی کمیونٹی کی خدمت جاری رکھ سکیں۔ آمین۔
*چوہدری اعجاز حسین پیارا، صدر پاکستان اوورسیز الائنس فورم یورپ، کی دورۂ پاکستان کے دوران سماجی، فلاحی اور کمیونٹی سرگرمیاں عروج پر*
٭چھٹیاں گزارنے پاکستان پہنچے، مگر خدمتِ خلق کا مشن جاری؛ چوہدری اعجاز حسین پیارا کی پاکستان میں مصروفیات توجہ کا مرکز٭
