۔،۔ پاکستان سوئس سوسائٹی لوزرن کی جانب سے نماز عید الاضحی کا خوبصورت انعقاد۔ سید علی جیلانی۔،۔
٭سوئٹزرلینڈ کے خوبصورت شہر لوزرن میں پاکستان سوئس سوسائٹی کی جانب سے نماز عید الاضحی کا اہتمام کیا گیا جس میں دور دراز سے لوگوں نے شرکت کی، ممتاز مذہبی اسکالر صاجزادہ سید علی الاشرفی الجیلانی نے خصوصی خطاب کیا٭
شان پاکستان جرمنی فرینکفرٹ/سوئٹزرلینڈ/لوزرن۔ سوئٹزرلینڈ کے خوبصورت شہر لوزرن میں پاکستان سوئس سوسائٹی کی جانب سے نماز عید الاضحی کا اہتمام کیا گیا جس میں دور دراز سے لوگوں نے شرکت کی، ممتاز مذہبی اسکالر صاجزادہ سید علی الاشرفی الجیلانی نے خصوصی خطاب کیا۔آپ نے اپنے خطاب میں موقع کی مناسبت سے کہا کہ ہر وہ چیز جو خُدا کے قرب کا باعث بنے قربانی ہے، قربانی سے صدیوں کا سفر لمحوں میں طے ہو جاتا ہے، کسی نے حضرت علی مرتضی سے پوچھا کہ قربانی کس کو کہتے ہیں آپ نے جواب میں فرمایا متقی اور پرہیز گار کی قربانی نماز ہے بندہ نماز پڑھتا ہے تو خدا کے نزدیک ہو جاتا ہے، ہمیں اپنے بچوں کو نماز کی ترغیب دینی چاہیئے، عید الاضحی ایثار اور قربانی کا درس دیتی ہے، انہوں نے مزید کہا عید الاضحی ہمیں حضرت ابراہیم علیہ السلام کے نقش قدم پر چلتے ہوئے ایثار اور قربانی پر قائم رہنے کی تلقین کرتی ہے۔ جس دن سے حضرت انسان کرہ ارض پر آباد ہوا ہے اسی دن سے یہی قربانی کا تصور بھی ملتا ہے جیسا کہ قرآن مجید میں حضرت آدمؑ کے دو بیٹوں ہابیل اور قابیل کی قربانی کا ذکر ملتا ہے، فلسفہ قربانی اللہ تعالی کی رضا اور حصول تقوی ہے فرمان باری تعالی ہے اللہ کی بارگاہ میں قربانی کے جانوروں کے گوشت اور خون نہیں پہنچتے بلکہ تمہارا تقوی پہنچتا ہے سوسائٹی کی انتظامیہ نے آخر میں تمام مہمانوں کو عید کی مبارکباد اور مہمانوں کی خاطرتواضع لذیذ کھانوں سے کی گئی
