۔،۔ ہانگ کانگ میں (32 بتیس منزلہ رہائشی) عمارتوں میں آگ لگنے سے کم از کم (36 چھتیس) افراد ہلاک۔ نذر حسین۔،۔
٭تائی پُو ضلع میں وانگ فوک کورٹ کے رہائشی کمپلیکس میں تباہ کن آگ سے مرنے والوں کی تعداد میں نمایاں اضافہ جبکہ ابھی تک (279۔ دو سو انیاسی) ابھی تک لاپتہ ہیں ٭
شان پاکستان جرمنی فرینکفرٹ/ہانگ کانگ/تائی پُو ضلع میں وانگ فوک کورٹ۔ غیر ملکی خبر ررساں ادارے کے مطابق ہانگ کانگ میں (32 بتیس منزلہ رہائشی) عمارتوں میں آگ لگنے سے کم از کم (36 چھتیس) افراد ہلاک ہونے کی اطلاع موصول ہوئی ہے جیکہ حکام کا کہنا ہے کہ (279۔ دو سو انیاسی) ابھی تک لاپتہ ہیں، ہانگ کانگ میں قائم ساوُتھ چائنا مارننگ پوسٹ کے مطابق مقامی وقت کے تقریباََ پانچ بجے آگ اپنے عروج تک پہنچ چکی تھی، کم از کم انتیس زخمیوں کو اسپتال منتقل کیا گیا جبکہ (36 چھتیس) افراد ہلاک اور (279۔ دو سو انیاسی) افراد ابھی تک لاپتہ ہیں، ہلاک ہونے والوں میں ایک فائر فائیٹر بھی شامل ہے ایک سینتیس سالہ نوجوان جائے وقوعہ پر بے ہوش پایا گیا اسے ابتدائی طور پر اسپتال منتقل کیا گیا جہاں وہ زخموں کی تاب نہ لاتے ہوئے چل بسا۔ مقامی پولیس رپورٹ کے مطابق فائر فائیٹرز نے بتدریج آگ پر قابو پا لیا ہے۔ فائر ڈیپارٹمنٹ کے حوالے سے موصول ہونے والی اطلاعات کے مطابق شعلوں نے کمپلیکس کے سات اپارٹمنٹ بلاکس کو آناََ فاناََ اپنی لپیٹ میں لے لیا تھا، ان اپارٹمنٹس سے میں پھنسے لوگوں کی طرف سے کالیں وصول کی گئیں۔ کمپلیکس میں (آٹھ بتیس منزلہ اپارٹمنٹ عمارتیں) ہیں جن میں تقریباََ (دو ہزار اپارٹمنٹ) ہیں مبینہ طور پر تمام عمارتیں تزئین و آرائش کے کام کے لئے سہاروں سے گھری ہوئی تھیں۔ تفتیش کاروں کے مطابق ابھی تک پتا نہیں چل سکا کہ آگ کہاں اور کیسے لگی۔
