۔،۔ پاکستان نے ایران کے خلاف اپنی٭فضائی حدود٭زمینی یا ٭پانی کی جگہ استعمال کرنے کی اجازت نہیں دی۔پریس ریلیز۔،۔
٭ایران،اسرائیل اور امریکی حملے پر اہم حقائق ٭پاکستان نے ایران کے خلاف اپنی٭فضائی حدود٭زمینی یا ٭پانی کی جگہ استعمال کرنے کی اجازت نہیں دی٭
نذر حسین۔شان پاکستان جرمنی فرینکفرٹ/برلن/تہران/واشنگٹن/یوروشلم۔ برلن سے شائع ہونے والی پریس ریلیز کے مطابق چند حقائق کو واضح کیا گیا ہے جس کی تفصیل کچھ یوں ہے کہ ٭مملکت پاکستان نے امریکا یا اسرائیل کے کسی بھی حملے میں ایران کے خلاف اپنی فضائی حدود، زمینی یا پانی کی جگہ استعمال کرنے کی اجازت نہیں دی ہے ٭ مملکت پاکستان نے (اکیس 21 اور بائیس 22جون کی رات) ایرانی جوہری تنصیبات پر کئے گئے امریکی حملے کی مذمت کی ہے۔وزارت خارجہ نے اس حوالہ سے واضح بیان جاری کیا ہے ٭مملکت پاکستان نے بارہا اور واضح طور پر اور دلیری کے ساتھ مختلف بین الاقوامی فورمز پر ایران پر اسرائیلی حملوں کی مذمت کی ہے اور اسرائیلی جارحیت کے خلاف ایران کی مکمل سیاسی،اخلاقی اور سفارتی حمایت کا اظہار کیا ہے ٭مملکت پاکستان کسی دوسرے کی جنگ، کسی بلاک سیاست اور دوسرے ملک کے فوجی تنازعہ میں حصّہ نہیں لے گا اور نہ ہی اس کا حصّہ بنے گا٭مملکت پاکستان کا پہلے دن سے ایک اصولی موقف ہے، ایران کو اپنے دفاع کے تمام حقوق حاصل ہیں اور پاکستان اپنی خودمختاری اور علاقائی سالمیت کے تحفظ پر کبھی کوئی سمجھوتہ نہیں کرے گا ٭اسلامی جمہوریہ پاکستان تمام اسٹیک ہولڈرز اور فریقین کے ساتھ مخاصمت کے جلد از جلد خاتمے اور امن کو ایک موقع فراہم کرتا رہا ہے اور یہ جاری رکھے گا کہ وہ پائیدار اور باعزت باہمی طور پر قبول شدہ شرائط کے ذریعے بڑھنے اور بڑے علاقائی عدم استحکام کے ساتھ سنگین خطرات سے دوچار ہو۔
