-نشے میں دھت شخص کا گشتی پولیس اہلکاروں پر حملہ
٭ دو افراد کے درمیان جھگڑے کی اطلاع پر پہنچنے والی پولیس پر نشے میں دھت شخص نے بوتل سے حملہ کرنے کی کوشش کی، پولیس نے قابو پا کر ہتھکڑیاں لگا دیں ٭
شان پاکستان جرمنی، فرینکفرٹ:پولیس رپورٹ کے مطابق اتوار کی رات تقریباً چار بجے دو افراد کے درمیان جسمانی جھگڑا جاری تھا۔ واقعے کی اطلاع ملنے پر گشتی پولیس اہلکار صورتحال کو قابو میں کرنے کے لیے موقع پر پہنچے۔پولیس اہلکار جیسے ہی اپنی گاڑی سے باہر نکلے، ایک شخص نے ہاتھ میں بوتل تھامے ان پر حملہ کرنے کی کوشش کی۔ پولیس اہلکاروں نے فوری طور پر کارروائی کرتے ہوئے حملے سے خود کو محفوظ رکھا اور مذکورہ شخص کو قابو کرکے زمین پر گرا دیا، جس کے بعد اس کے ہاتھوں میں ہتھکڑیاں ڈال دی گئیں۔پولیس کے مطابق 38 سالہ شخص شدید نشے کی حالت میں تھا اور گرفتاری کے دوران اہلکاروں کو لاتیں مارنے کی کوشش کرتے ہوئے مزاحمت بھی کرتا رہا۔پولیس نے اسے تھانے منتقل کر دیا۔ رپورٹ کے مطابق واقعے کے سلسلے میں مذکورہ شخص کے خلاف فوجداری کارروائی شروع کر دی گئی ہے۔
