۔،۔ ترکی کے شہر بُرسا میں ایک ترک خاتون نے اپنے شوہر کو قتل کر کے لاش کو پندرہ ٹکڑوں میں تبدیل کر دیا۔ نذر حسین۔،۔
٭ ترکی کے شہر بُرسا میں ایک(انہسر سالہ) ترک خاتون نیاپنے ریٹائرڈ پولیس آفیسر شوہر کو قتل کرکے اس کی لاش کے پندرہ ٹکڑے کر دیئے، قتل کو چھپانے کے لئے لاش کے ٹکڑوں کو کچرے کے ڈبوں میں پھینک دیا٭
شان پاکستان جرمنی فرینکفرٹ/ترکی/بُرسا۔ غیر ملکی خبر رساں ادارے کے مطابق یہ واقعہ جنوری میں پیش آیا تھا، تحقیقات سے پتہ چلا ہے کہ کیڈیلا اوزونوگلو نے اپنے شوہر علی فواد اوزونوگلو جس کی عمر پچہتر سال بتائی گئی ہے کو گھر کے اندر قتل کر دیا تھا، اس کے بعد کیڈیلا اوزونوگلو نے لاش کو ٹکڑے ٹکڑے کر کے اس کے مچھ حصوں کو پڑوسیوں کے کنٹینر ز میں ٹھکانے لگایا، جس سے جسم کے اعضاء ضائع ہو گئے جبکہ ان کی دریافت میں تاخیر ہوتی گئی، مقامی میڈیا کے مطابق علی فواد اوزونوگلو کو دفنایا تک نہیں گیا، کیس عدالت میں گیا عدالت نے اپنا فیصلہ سنایا جبکہ بیوی متواتر قتل سے انکاری رہی۔فرانزک شواہد سامنے آنے کے بعد اسے جرم سے منسلک کیا گیا اور ترک عدالت نے گذشتہ ہفتے خاتون کو قید کرنے کا حکم جاری کیا، اس کے باوجود کہ اس نے اپنے شوہر کو قتل کرنے شے انکار کیا تھا جبکہ لاش کے ٹکڑے کرنے اور اسے کنٹینرز میں ٹھکانے لگانے کا اعتراف کیا تھا۔ اس نے اس بات کا دعوی کیا کہ اس کا شوہر (اٹھائیس) جنوری کو سیڑھیوں سے گر کر مر گیا تھا جبکہ اس نے جان بوجھ کر دھکا دینے کے الزام کے ڈر سے لاش کو ٹھکانے لگانے کی کوشش کی، رپورٹ کے مطابق پولیس کو واقعہ کے دو دن بعد شوہر کے لاپتہ ہونے کی رپورٹ موصول ہوئی جس کے نتیجہ میں جوڑے کے گھر میں خون کے دھبے اور آلہ قتل(ایک کلیور) دریافت ہوا۔نگرانی والے کیمروں نے اس کی زندگی کے آخری لمحات کو دستاویز کرتے ہوئے واقعہ کے دن گھر واپس آنے پر شوہر کو زندہ دیکھا۔ تفتیش پولیس کو ان کنٹینرز تک لے گئی جہاں بیوی نے تقریباََ دو ماہ قبل جسم کے اعضاء کو ٹھکانے لگایا تھا، جس سے مقامی باشندوں اور متاثرہ کے پڑوسیوں کو صدمہ پہنچا، اور خاندان اور مقامی کمیونٹی پر گہرا نفسیاتی اثر پڑا۔
